ليش الخروف يقول إمباااااااع ؟؟؟

من طرف iraqi 23.09.07 6:14

ليش الخروف يقول إمباااااااع ؟؟؟

السلام عليكم

اني هسه اريد اقوللكم ليش الخروف يكول امبااااااااااااااع؟؟؟؟؟؟؟؟؟؟؟؟؟؟؟؟؟؟؟

زمان قبل ما ننولد كلنا .. جان اكو خروف وخروفه ..

الخروف والخروفه يحب واحدهم الثاني .. وواحد يموت بالثاني .. وعاهدوا نفسهم على عدم

الفراق ..(خرفان اخر زمن )

جانوا دائما واحد يباوع بعين الثاني ويطلعون يتمشون ويسولفون عن حياتهم المستقبليه .. والخروف يعزم خروفته بالحظيرة كل يوم ... جانوا عايشين حياة سعيدة لكن الايام السعيدة عمرها ما تدوم ..

قرب عيد الاضحى

اجه رجال على راعي الخروف وعرض عليه ان يبيعله الخروف بسعر معين

رفض الراعي بالبداية .. بس الرجال لطش وقفل على هالخوف وعلى راي ابو المثل(لو هالخروف لو ماضحي) فضاعف السعر للراعي ..

والله اشو الراعي مكذب خبر وكيف ووافق على البيعه................عمت عيني على هالخروف سوده عليه متهنه بحياته

فأخذالرجال الخروف وراح ..

الخروفه زعلت (سوده عليه تقهر) وقعدت تبجي على فراق حبيبها

وسوت اضراب عن الاكل والشرب حتى وزنها نقص وبعد حتى متسوه واحد يكصبها ويبيعهه لحم ..

وبيوم من الايام جتي صديقة الخروفه

وسألت الخروفه عن حبيبها اللي تركها

وجانت تقول لخروفتنا : "وين حبيبج المزعوم.. شكله تركج وراح لحظيره بيها خروفات احلى منج ... الخ" من هالحجي التعبان

فباوعت بوجه صديقتها ودموعها ماليه عينها

وقالت بصوت هادئ يمليه الحزن والقهر والضيم " امباااااااااع"

_جانت بس تريد تصيح انباع _

فأسغربت صديقتها وانقهرت حيل على حال صديقتها وكالت لازم اسوي شي اساعد بي صديقتي

فنشرت قصة صديقتها بين كل الخرفان

وبحاله من التعاون بين الخرفان طلعوا مسيره وكلهم كاموا يصيحون امباااااااااااااااااااااع امباااااااااااااااااع حتى يقللون الحزن على الخروفه .

ومن ذاك اليوم الى هاليوم والخرفان تصيح امبااااااااااااع

بس هنا اكو سؤال مهم اذا ممكن اتجاوبوني عليه؟؟؟؟؟؟؟؟؟؟؟؟

هسه الخرفان تعرف هذي القصه لو بس تصيح امبااااااااااااع مثل مجان يفعل اجدادها القدامى؟؟؟؟؟؟؟؟؟؟
ارجو الاجابه