هل انت عصبي اذا نعم ادخل هنا واذا لا طبك مرض لا تفوت

من طرف **صفاء الكربلائي** 07.09.07 8:34

السلام عليكم

الانسان من يصير عصبي يكوم يتصرف بطريقه مو طبيعيه يعني يصير طلي
حشه الصخل هواي اشياء نسويها بحالة العصبيه بعدين نتندم عليها الموضوع
مو ليش تصير عصبي انما شلون رد فعلك اول ماتصير عصبي يعني تضرب
الباب لو تكسر فد حاجه لو تصيح لو تركع راسك بالحايط يعني شلون اتنفس
عن العصبيه لانه اذا ماتنفس راح تنفجر مثل الغازات بالبطن اذا تبقه ضامها
راح تنفجر بطنك والصره مال البطن تطفر من بطنك بس اذا تريد تعرف شلون تتخلص
من العصبيه اكو موقع فتحته دكتوره مال اعصاب الدكتوره اسمها ام سعدون

الموقع مال الدكتوره اسمه(( ام سعدون دوت كوم لا انعل والديكم والخلفوكم ولابو شريفكوم))
طبعا من اسم الموقع امبين ام سعدون ابدا مو عصبيه وفعلا هي تملك الحل السحري للتخلص
من العصبيه وهذا الموقع جال نتائج

مثلا ام فائزه هاي كولش عصبيه على ابسط الشغلات فد يوم اكتشفت هي حامل بالغلط
لانه جانت الخطه الامنيه الي مسويتها لمنع الحمل مو زينه مثل الخطه الامنيه مال الحكومه
العراقيه وهي عدها سبع بنات وهسه حامل وشماله حامل ابنيه يعني صارت عصبيه هي
صوجها جوارينهم ام فاظل كالت استخدمي حبوب منع حمل الالمانيه هي مستعمله حبوب
ايرانيه والصناعه الايرانيه كلها غش يعني العاقر اذا تريد تصير حامل تاخذ حبوب منع الحمل
الايرانيه كولش فاشله بينما الحبوب الالمانيه هاي الحبايه الجوزيه والشريط من وره بيها اشارات
بالايام السبت حبايه وحده والاحد حبايه وحده والاثنين هذا عطله ماتاخذ لانه الشركه الالمانيه
تعرف زوجها الرجل بيوم الاثنين عنده خفاره يبات خارج البيت يعني شوف التقدم شلون حبوب منع الحمل الالمانيه شلون صناعه اوكي

المهم ام فائزه صارت عصبيه راسا راحت على موقع ام سعدون دوت كوم لا انعل والديكم لابو
شريفكوم دخلت العنوان والمعلومات مالتها واجاها الحل يكول الحل الظهر ساعه 2 تصعدين
للسطح وتصعدين فوك التانكي مال الماي وفوكاها اتصيحين بصوت عالي ميع ميع ميع ميع
وتبقين ساعه اتصيحين ميع ميع ميع ميععععع بهاي الحاله جوارينكم ابو قاسم راح يسمع
صوتكم وهو مشتري اربع لترات بانزين علمود المولده يشغلها الظهر ينام على البروده وهو
لابس الروب الاحمر الكودري مال زوجته علمود يتنعم بالبروده وانتي تصيحين ميع ميه بهاي
الحاله راح يكوم ابو قاسم يركعج بالنعال على الكصه مالتج راح يجي النعال على راسج يضغط على
المخ ومن ثم على المخيخ الي بيه مركز الاعصاب وراها المخيخ من الضربه راح يصير فايخ
يعني من مخيخ الى فخيخ وتصيرين ريلاكس فايخه وتروح العصبيه وماتصيرين اعصاب

والموقع مال ام سعدون دوت كوم لا انعل والديكم ولابو شريفكوم ينطي حلول عامه مثلا
اول ماتعصب اسمع اغاني هادئه مثل اناشيد جيش المهدي او اغنيه لاتزرع قنبله بالشارع
ازرع ورده او ازرع نبكه او ازرع كوجه

المهم اعصابك واعصابج لا تعصبون يعني هسه شفتوا بالزياره الشعبانيه الاخيره
جماعه صاروا اعصاب على شعارات مجرد شعارات في بلد عبيد الشعارات والصور
صاروا اعصاب والجماعه ماقصروا نفسوا عن العصبيه خوش تنفيس كل فسوه
قتلت خمسه وعشره لعد لو ضرطه جان صارت مقابر جماعيه صنع محلي مو بعثي

وانت ياعضو وياعضوه وماشاء الله بالمنتدى عدنه خير من الله من العصبين اول
ماتختلف وياه يكلك انت ابن اكل الاكباد حفيد يزيد ومعاويه انت من الثله طبعا هاي
الثله اخر مانزل بالمنتدى يمكن يقصدون بيها ثله ودبس من الشله والدبس شكلها هيج

المهم اذا صرت عصبي شنو تسوي تكسر ادمر اتحطم تضرب الباب بس دير بالك
لا تكفر تره تصير مطي مو طلي حشه الصخل هل انت عصبي اذا نعم ادخل هنا واذا لا طبك مرض لا تفوت Biggrin

هل انت عصبي اذا نعم ادخل هنا واذا لا طبك مرض لا تفوت Biggrin

من طرف iraqi 25.10.07 19:22

خخخخخخخخخخخخخخخ

حلوة

مشكور

هل انت عصبي اذا نعم ادخل هنا واذا لا طبك مرض لا تفوت

هل انت عصبي اذا نعم ادخل هنا واذا لا طبك مرض لا تفوت

رد: هل انت عصبي اذا نعم ادخل هنا واذا لا طبك مرض لا تفوت