قصيدة عن العراق الجريح

من طرف **صفاء الكربلائي** 11.09.07 7:48

أنهض ياعراق اوحد الصفين
ولم شمل الاحبه وعيدلي الفرحه
فرهدنه الوكت وعيونك انته اتشوف
دكافي انصير حنطه بشفت الرحه
دزيح الليل هاذا الخيم اعلى الناس
ومتى ينجلي الليل وينبثق صبحه
ضياع بنص ضياع العمر خلصناه
وخذو محصولي كله وماشفت ربحه
اتهمونه وسكتنه وحنه مذبوحين
والجاني بريئ وبيده اخذ رمحه
ماينشرح حزن البينه لا والله
لان هوه الشرح يحتاج ليشرحه
صفي كلوب ناسك وجلي عنه الظيم
وداء التفرقه من الواقع انطرحه
صفحات الحزن مرسومه بس احزان
ونريد ابئمل مشرق نبتدي الصفحه