الذكريات .......للشاعر المبدع محمد رحيمه الطائي

من طرف عاشق العيون 29.09.07 18:55

ذكرياتك

اشضل من ذكرياتك ..

كلشي ما موجود ..

صار اسنين .. ما ضلت ولا ذكرى

تصاويرك عفتهن من اخذني الروج

اوازاني الوكت ..

والوكت شيگدره ..؟

عافت ناس كلشي ..

الدنيا صارت نار ..

زلمه الزين بيها ..

اليسلم ابعمره

حتى الليل .. هذا الليل ..

من اتوازه .. اجت مرات ..

عاف انجومه كلها .. اودع الگمره ..

وتسأل ذكرياتك ..؟

عمري راد ايروح ..!!

لو انت بمكاني ..

اتعوف ابو الذكرى

نسيتك ....؟؟

لا .. نسيت اسمي !

واصحابي .. واهلي بالمره

هو الموت وحده اگبالي ظل بالليل ..

وافكر ما اجت ابراسي

بس فكره ..

اعوف الروح ..

هو اللي يصير ايصير ...!!

يم ربك عفتها ، اطلعت بالقدره ..!

أنه مبلل جبتها ..

من الصغر لليوم .. والمبلل ..

تظن اتخوفه المطره ..؟؟

وتسأل ذكرياتك .. ؟

مدري راحن وين ..

رماد ونار صارن بيهن شتقره ؟؟

لا تعتب .. اعتابك عندي مامسموح

ولترجعلي ماضي ..

ايامه مطشره

لو انت ابمكاني

اتعوف اغلى الناس ..

لأن ساعتها ..

كل الناس تتبره

هذا اللي جرالي ..

لهسه افكر بيه ..

مدري اشلون طلعت سالمه الجره ..!!

من طرف زهرة الخليج 29.09.07 19:11

شعر عراقي اكثر من رائع

الله يحييك خوي على هالمجهود الرائع

تسلــــــــــــــــــــــــــــــــــــم

من طرف iraqi 29.09.07 20:21

جميل جداً

هذا شاعر معروف

روووووووعة

من طرف **صفاء الكربلائي** 22.11.07 20:37

مشكور عزيزي على الشعر الروووووووووووووعة

من طرف الحزين الراحل 22.11.07 21:25

تسلم وردة

الذكريات .......للشاعر المبدع محمد رحيمه الطائي

الذكريات .......للشاعر المبدع محمد رحيمه الطائي

رد: الذكريات .......للشاعر المبدع محمد رحيمه الطائي

رد: الذكريات .......للشاعر المبدع محمد رحيمه الطائي

رد: الذكريات .......للشاعر المبدع محمد رحيمه الطائي

رد: الذكريات .......للشاعر المبدع محمد رحيمه الطائي