العراقية

من طرف الحزين الراحل 22.11.07 21:10

أجمل بنية .....

منْ شفتج .. غزال وفات !!!
ما ضنيتج إنسية
الملامح والوجه مرسوم
بألــوان زيتية
الشفايف جنة من قداح
يشع أنوار ... ليلية
وحارت بالنهد الأوصاف
لان قصته خرافية
تموع الكَاع من تمشين
عليها بكل شفافية
ويخضر كل شبر ريحان
لأنج مو طبيعية
ولان حسنج سحرللعين
والخطوات وردية
واكَـف والكَـلب مولوع
ومفضوح بعلانية
ارحمي الحال يا حلوة
تره خبالاتي شرقية
من اشوفج اشتعل وأنصاب
بألف اطلاقة نارية
وأشَمْـر بالحجي وما شوف
وأظل احتاج عوجية
شكَول وشحجي يا هلناس
صرت عاشكَ هلبنية
وكَـفتُ وحاير بأمري
بأشواطي الإضافية
أخاف امشي وأصارحها
وتكَـب العيطة عصرية
جمعت الجيش والقوات
وشلت رشاشة روسية
تخطيت بكَـلب ملهوف
واتساندني سمتية
وصلتلها وكَـُمر جنهه
والتصميم حورية
ولمن صرنا عين بعين
شعرت بهزة أرضية
وكَـلتلها الغزال منين
ومن يا دولة عُـرْبية
كَـالت انه من بغداد
وجنسيتي عراقية

سلامي الى زهرة الخليج ولاتزعلين من القصيدة بس مو معنى ان الخليجين مو حلوين بس حبيت ا تطرق لهذه القصيدة لحبي لكل شي عراقي