اجمل بنات العرب

من طرف الحزين الراحل 22.11.07 21:12

فد يوم اجت دنيتي تسألني عن حالي ؟
وانه بصراحه خفت من كعدت اكبالي

كــــــش جـــــــلدي وتراجفــــــــــــت
وحسبات اجتي شكثر وازدحمت ابالي

نشدتني عن الدهر وعن العشك والسهر
وكلتي كلبك اظن من العشك خالي ؟

كلتله عندي كلب يعشك عشك من صدك
وشريان كلبي جرص كلما انوحن يدك
بس انه طبي ثلج يادنيه ما احترك
كلتي تعشك اذن ؟كلتله اجمل عشك

كلتي من يا جنس؟ كلتله جنس الكمر
كالت عمره شكثر ؟كلتله كل الدهر

متموت كالت؟ كلت سبحان من ما مات
بس هيه حلو واظن ميموتن الحلوات

يادنيه هاي بحر بيه الجرف مرتاع
خده سفينت عشك وجفوف اديه اشراع
وعالكمر لو باوعت يتكوم اعله الكاع

كلتلي عده اسم ؟كلتله احله اسم
كلتلي منه شتحب؟ كلتله من تبتسم
كالت ارسمه الي ؟كلتله ماترسم

كالتلي عده لقب ؟كلتله احله لقب
اكدر القبه الج اجمل بنات العرب
واكدر القبه الج حوريه بس من ذهب

واحتار شنطي لقب للتمتلك جنه
وبيديه من الفرح تتراكص الحنه
والناس اله بشغف كل يوم تتعنه

بمحبوبي من الزغر ياناس عندي صله
حبيته وللكبر ابقه اعله هالمنزله
عائلتي صارت اظن ومنتمي الهلعائله

ولسم الحسين انتمي وبكاعه اظل احتمي
وجي بيه دمه انسفك حبيت اسم كربله

هايالقصيدة مهداة لزهرة الخليج